Inawagan ni Department of Foreign Affairs (DFA) Secretary Maria Theresa Lazaro a “bahagi ng ingay ng demokrasya” dagiti waragawag dagiti sumagmamano a mamanday-linteg seknan ti issue idiay West Philippine Sea (WPS).
Kinuna ni Lazaro a saan isuna nga agkomento kadagiti diskusyon ken impaganetget a nakapamaysa laeng ti DFA kadagiti konkreto a saritaan maipanggep ti foreign policy.
Timpuar ti waragwag ti opisyal kasaruno ti kontrobersiyal a komento ni Sen. Rodante Marcoleta seknan ti Kalayaan Island Group, banag nga inlibak met ti senador ken kinuna a naaddaan ti biddut ken saan nga umiso nga interpretasyon kadagiti insawang na.
Kabayatanna, nagpanawagan ni Sen. Erwin Tulfo iti “ceasefire” iti sinnungbat dagiti opisyales ti Pilipinas ken China bayat a pinaregta ti DFA a nasken ket aggaraw dagiti Chinese diplomats babaen ti “professional manner” iti panangipeksa kadagiti karirikna da idiay WPS.
