Naipaayan ti pawayway ni sigud nga Ako Bicol Party List Representative Elizaldy Co aginggana Enero 15 tapno agsubmitir ti counter-affidavit iti kaso a plunder a naipila kontra kenkuana iti Department of Justice (DOJ).
Segun kenni DOJ spokesperson Polo Martinez, awan ti dimmar-ay nga abogado ni Co iti preliminary investigation idi kalman isu a naipaayan isuna ti pawayway tapno sungbatan iti reklamo.
Daytoy iti umuna a plunder case nga impila ti National Bureau of Investigation (NBI) kontra kenni Co, nupay adda pay ti maysa a kaso nga agdama nga maim-imbestigaran.
Iti sidong ti Anti-Plunder Act, ti plunder ket ti panangtagikua ti saan a bumaba ti ₱75 million ill-gotten wealth babaen dagiti serye ti ilegal nga aramid.
Immuna metten a nairuar iti warrant of arrest kontra kenni Co ken 17 a sabsabali pay iti kaso a malversation nga aggatad ti ₱289.5 million mainaig ti flood control project idiay Mindoro.###
