Maipagarup a nangipatulod ti “feelers” ni sigud a Congressman Zaldy Co tapno makikoordinar kadagiti otoridad ken nagkiddaw ti maysa a “dialogue” iti gobierno.
Segun kenni DILG Secretary Jonvic Remulla, maipagarop a makikikomunikar ni Co kadagiti sumagmamano a padi nga am-ammona tapno idanon iti tarigagayna na a makisarita.
Inlawlawag ti sekretario a saan pay a naberipika iti impormasion ngem nakasaganan iti ahensia no mangipakita ti intension ni Co a makiuman.
Sentral a personalidad ni Co iti nabara nga isyu dagiti flood control projects a maikonkonektar kadagiti maipagarup a maanomalia nga infrastructure insertions.
Sigud isuna a chairman ti House Appropriations Panel, maysa a nabileg a posision ti Lower House gapu ta iggem daytoy iti panangbukel singasing a national budget proposal.
Iti agdama, adda ti arrest warrant maibusor kenni Co mainaig kadagiti maanomalia aflood control project idiay Oriental Mindoro.###
