Agtultuloy nga im-imbestigaran dagiti otoridad no kasano a naaramid ti maysa a Grade 8 student iti maysa a pagadalan idiay Zamboanga City iti pammaltog sakbay a ginibusan iti bukod na a biag.
Segun kadagiti otoridad, dua nga estudyante iti pimmusay, karaman iti shooter, bayat a dua pay iti nadangran. Rimmuar met iti imbestigasion nga in-livestream ti estudyante iti panagpaltog na babaen ti body-worn camera.
Kenuna ni Education Secretary Sonny Angara a saan nga ibilbilang dagiti mannursuro a problematic student iti suspek ken nangato pay iti academic standing na. Ipakpakita daytoy ti kinarigat a malasin dagiti posible a warning signs sakbay a napasamak iti school violence.
Kabayatanna, nagpanawagan ni Senate President Sherwin Gatchalian ti linteg a mangiparit kadagiti ubbing nga awan pay ti 16 a tawen na nga agusar ti social media, gapu iti napartak a panagwaras ti livestream ken graphic content.
Impaganetget ni Interior Secretary Jonvic Remulla iti nadagdagsen a dusa kadagiti owners a mangipalubos a maala dagiti menor de edad dagiti armas da, bayat nga agtultuloy nga am-ammuen ti pulisya iti motibo ken no kasano a naala ti estudyante dagiti paltog ti amana.###
