Inakusaran ni Ukrainian President Volodymyr Zelenskyy iti Russia a namindua a simrek dagiti drone-da iti airspace ti Moldova bayat iti panagdaliasat ti presidential aircraft.
Ti immuna nga insidente ket nairekord idi Setiembre 9, idi temporario a naiserra iti airspace ti Moldova gapu iti drone alert, a nangitantan iti panagbiahe ni Zelenskyy idiay Norway.
Kenuna met ti Norwegian Prime Minister a dandani tinamaan ti drone iti eroplano a nagluganan ti Ukrainian president.
Segun kenni Zelenskyy, adda manen ti drone incursion idi Setiembre 14 bayat iti panagsublina idiay Ukraine. Nupay kasta, kinunana a saanna nga inpaganetget a pinuntiria ti Russia iti eroplanona.
Awan ti naipadamag a nasugatan kadagiti insidente a mainaig iti panagbiahena.###
