Timmabuno ni Ukrainian President Volodymyr Zelensky idiay London para iti pannakitaripnong na kadagiti lider ti Europa idiay Downing Street.
Masangaili isuna idiay Brussels ken Roma kalpasan a natantan ken awan ti nagbalin a progreso ti panagpatang idiay Miami ti nagbaetan dagiti American ken Ukrainian negotiators.
Nabukel ti panagtaripnong kalpasan iti waragawag ni US President Donald Trump a saan a binasa ni Zelensky ti singasing ti Estados Unidos a gibusenen iti gera ken innayon na pay a dismayado isuna iti Ukrainian leader.
Kabayatanna, dinayaw met ti Russia iti baro a national security strategy ti Estados Unidos. Daitoy nga estratehiya ket nabara para kadagiti taga-Europa nu sadino ket pabpabasolen ni Trump dagiti opisyales ti kontinente iti panagharang kadagiti addang ti Estados Unidos a palpasenen ti gera.
