Nagkiddaw manen ni Ukrainian President Volodymyr Zelenskyy kadagiti kaalyado a pagilian a tumulong kadakuada a papigsaen iti air defense.
Iti panagdar-ay na iti Rome Conference, naaddaan ti gundaway iti Ukrainian President a makasango dagiti sumagmamano a lider pakairamanan iti video call kadagiti agarop 30 a pagilian nga inawagan na kas “Coalition of the Willing”.
Impaganetget ni Zelenskyy a napateg iti tulong dagiti pagilian kangrunaan ta saan nga agsarsardeng iti Russia kagiti air strike daitoy iti las-ud ti nasurok tallo a tawen a gubat.
Kiniddawna pay iti European Union a rumbeng ket dagus nga ipatungpal dagiti sanctions maibusor iti Russia.
Nagkari met iti United Kingdom a mangipaay da ti nasurok 5,000 air defense missiles idiay Ukraine ken nasurok $ 384 milion a tulong medisina ken taraon.
Kabayatanna, daytoy iti maikapat a panagtataripnong nga iti host ket ni Italian Prime Minister Giorgia Meloni. #
