Pimmusay ti maysa a babae kalpasan a malmes iti karayan idiay Bangar, La Union.
Nabigbig ti biktima a ni Marcy Macuroy, residente ti Barangay Mindoro.
Maibasar iti report manipud La Union Police Provincial Office, parbangon pay iti daldalyasaten ti biktima kadua ti tallo a sabsabali ti nasao a karayan idi madungpar ti sabali bangka ti nagluganda a bangka a nagresulta iti pannakadinnag na.
Maipagarop nga inyanod iti napegges a danom ti karayan ti biktima agingga a maisar-or idiay baybay no sadino ditoy a nakita isuna dagiti residente.
Maipalagip, agturong iti palengke ti biktima kadua ti tallo a sabsabali tapno mapan agilako ti lames idi a napasamak ti insidete.
