Nakatuding nga agturong idiay Puerto Rico iti pambato ti Pilipinas a ni Miss Universe Philippines 2026 Bea Millan Windorski para iti maika-75 nga edisyon ti Miss Universe.
Inyanunsyo ti Miss Universe Philippines iti umadanin a send-off para kenni Bea Millan-Windorski sakbay nga agluas nga agturong idiay Puerto Rico tapno ibagi ti pagilian iti prestihiyoso a Miss Universe 2026.
Maisayangkat ti send-off event inton Nobyembre 5, 2026 aldaw ti Huwebes, alas 3:00 ti malem idiay NAIA Terminal 1.
Naudi a naiyawid ti Pilipinas iti korona ti Miss Universe idi 2018, idi nangabak ni Catriona Gray kas maikapat a Pilipina a nakagun-od iti prestihiyoso a titulo.
