Pinaregta ti La Union Police Provincial Office (LUPPO) iti kampanya da para iti proteksyon dagiti ubbing ken panagliklik iti panag-abuso iti ilegal a droga babaen ti serye ti information and awareness lectures iti naisayangkat a Children and Youth Congress idi Nobyembre 22, 2026, idiay Bacnotan Public Market, Bacnotan, La Union.

Babaen ti Women and Children Protection Desk (WCPD), indauluan ni PMAJ Arcellie O. Pang-ag, iti saritaan mainaig iti Anti-Online Sexual Abuse or Exploitation of Children (OSAEC) ken Anti-Child Sexual Abuse or Exploitation Materials (CSAEM), nu sadinno impaganetget na dagiti peggad iti internet, panagliklik iti panaggundaway, ken dagus a panag-report dagiti insidente ti panang-abuso iti ubing.

Dinakamat met ni PMSg Borbe iti Anti-Drug Abuse Program ken Kabataan Kontra Droga at Terorismo (KKDAT), karaman dagiti napeggad nga epekto ti ilegal a droga ken kinapateg ti aktibo a pannakipaset dagiti agtutubo kadagiti programa a panagliklik kadagitoy a banag.

Tarigagay ti aktibidad a mapalawa iti pannakaammo dagiti ubbing ken agtutubo kadagiti karbengan ken responsibilidad da, kasta metten iti panangipaay kenkuada iti kabaelan a makaammo ken maliklikan iti nadumaduma a klase ti panag-abuso, panaggundaway, ken ilegal a droga.

Naisayangkat iti programa iti sidong ti liderato ni PCOL Ariel T. Huesca, Acting Provincial Director ti LUPPO.