BR LA UNION – Mangisay-sayangkat ti imbestigasyon ti San Juan Municipal Police Station seknan iti agsirsirkulo a video a pakakitaan dagiti indibidual a mapapati a nairaman iti riribuk idiay Barangay Urbiztondo, San Juan, La Union.
Maibasar iti official police statement, madama iti panangberipikar dagiti personnel iti detalye ti insidente babaen ti koordinasyon kadagiti opisyal ti barangay.
Ngem impadamag ti pulisiya nga immanamong dagiti agpada a partido wenno dagiti karaman iti insidente, a risuten laengen ti nasao a pasamak iti lebel ti barangay babaen ti tulong dagiti maseknan nga opisyal, maiyannurot kadagiti agdama a linteg ken pamay-an.
Kabayatanna, inallokoy ti pulisya iti publiko a saan nga agiwaras iti saan a beripikado nga impormasyon wenno agaramid iti konklusyon bayat nga agtultuloy ti imbestigasyon.
