Impasigurado ti Commission on Elections wenno Comelec a matuloy ti 2028 national elections iti laksid dagiti agsaksaknap nga statement maipapan iti posible a pannakakanselar wenno pannakaitantan iti daytoy.
Segun kenni Comelec Chairman George Erwin Garcia, nakailanad iti 1987 Constitution a kasapulan a maaddaan ti eleksion para iti kina-presidente ken bise presidente inton 2028, gapu ta agpatingga ti innem a tawen a terminoda inton Hunio 30, 2028.
Nagramut ti nasao nga isyu kalpasan a kinuna ni Bise Presidente Sara Duterte a nakaawat daytoy iti impormasion maipapan iti maipagarup a plano a mangkanselar iti eleksion. Inlibak met ni Senior Deputy Speaker Ferdinand Hernandez nga adda dagiti mammanday-linteg a mangplanplano a mangitantan iti daytoy.
Kabayatanna, intuding ti Comelec ti Setiembre 20 agingga 26, 2027 para iti pannakaipila ti certificates of candidacy wenno COC.
Agsagsagana met ti ahensia para iti sistema ti panagbutos iti internet ken dagiti transmission services, bayat a mangilatang iti ₱22 bilion para iti panagabang kadagiti baro nga automated counting machines.











