Naikkan agingga ita Lunes, Nobiembre 23, ni Atty. Paolo Panelo, spokesperson ni Bise Presidente Sara Duterte, tapno mangilawlawag mainaig iti show-cause order nga impaulog ti Senate impeachment court kontra kenkuana.
Nagtaud ti pammilin kadagiti sasao ni Panelo a mangkueskuestion iti kinapatas ken kinaawan panangidumduma dagiti sumagmamano a senador nga agserserbi a judges iti impeachment trial ti Bise Presidente.
Segun kenni Senate impeachment court Clerk Renato Bantug, naipatulod ti pammilin kenni Panelo babaen ti email idi Nobiembre 20.
Kabayatanna, impaganetget ni Panelo a dagiti komentona ket masalakniban babaen ti nawaya a panagsarita ken sisasagana daytoy nga agpalawag iti korte.










