Aglalo pay a bumarbara iti panagsagana ti maika-75 anibersaryo ti Miss Universe kalpasan nga iwaragawag ti organisasyon dagiti host ken presenter ti Miss Universe 2026.
Pinasingkedan daitoy nga isuda television host Mario Lopez ken Miss Universe 2022 R’Bonney Gabriel iti agserbi kas kangrunaan nga hosts ti grand finale a maangay inton Nobyembre 24 iti Coliseo de Puerto Rico José Miguel Agrelot idiay San Juan, Puerto Rico.
Karaman kadagiti special presenter dagiti sigud a Miss Universe nga isuda Dayanara Torres, Denise Quiñones, ken Zuleyka Rivera, kadua isuda Zuri Hall ken NSYNC member Lance Bass.
Dumanon iti 116 a kandidata manipud kadagiti nadumaduma a pagilian iti aglalaban para iti korona.
Mangrugi iti kompetisyon iti panagpili ti Top 30, a sumabak iti swimsuit competition. Sumaruno ti panagpili Top 12 para iti evening gown competition, sakbay iti Top 5 para met iti question-and-answer portion.
Mabuya iti grand finale idiay Puerto Rico inton Martes, Nobyembre 24, bayat a Nobyembre 25 met a mabuya daitoy thru livestream ditoy Pilipinas.











