Kellaat a naawanan ti puot ni sigud a PBA star PJ Simon bayat iti panagay-ayam na iti maysa nga exhibition game idiay Davao City idi Biyernes, Nobyembre 20.
Sumagmamano a minuto bayat iti panag-inana na ket naawanan daitoy ti puot, naiyakar pay isuna idiay San Pedro Hospital ngem pimmusay daitoyen sakbay pay a makadanon iti pagagasan.
Pagaammo ni Simon kas “The Scoring Apostle” ken “SuperSub”.
Nakaay-ayam isuna iti Purefoods ti 17-season iti PBA, nu sadino karaman daitoy iti pannakagun-od ti walo a kampeonato.
Pakairamanan ti 2014 Grand Slam sakbay a nagretiro idi 2020.
Iti native ti Makilala, North Cotabato ket nagay-ayam met para iti Davao Eagles sakbay a nakastrek iti PBA idi 2004 ken walo a daras a napili nga All-Star sakbay nga inretiro ti koponan iti Number 8 a jersey.
Uray nu nagretiro isunan iti PBA ket agay-ayam latta daitoy ti basketball idiay Mindanao nu sadinno idi 2024 ket iniggeman na iti Pilipinas Super League regional program a tumultulong kadagiti agtutubo a mahilhilig iti basketball.











