Naisukat ni Troy Rosario kenni Rhenz Abando iti lineup ti Gilas Pilipinas kalpasan daitoy a makagun-od ti right ankle sprain bayat nga agayay-ayam para iti Anyang iti Korean Basketball League idi Huwebes.
Segun kenni Gilas head coach Tim Cone, manamnama a makadua iti panagbiyahe ti bunggoy ni Rosario inton Sabado nga agturong idiay Kuala Lumpur, Malaysia, kas panagsagana iti umadani nga international basketball window.
Napili ni Rosario gapu iti versatility ken pamilyaridad iti sistema ni Cone, aglalo ta agkadua da pay iti Barangay Ginebra iti PBA.
Kabayatanna, manamnama a sumaruno idiay Kuala Lumpur dagiti sumagmamano a player nga isuda Kai Sotto, Quentin Millora-Brown, ken AJ Edu manipud Japan, bayat nga aggapu met South Korea ni Kevin Quiambao.
Manamnama met a makasangpet idiay Malaysia inton Nobyembre 23 ni naturalized player Bennie Boatwright manipud China tapnu makumpleto iti panagsagana ti Gilas Pilipinas.











