Adda iti baro a nagan iti womens basketball team ti Pilipinas.
Inyuswat idi Sabado, Nobyembre 14, ti Samahang Basketbol ng Pilipinas ken University Athletic Association of the Philippines iti GILAS HIRAYA.
Ti sarita a Hiraya ket manipud iti nagun-od nga arapa-ap, namnama, ken tarigagay ti maysa a tao.
Napanunot ti Samahang Basketbol ng Pilipinas ti nasao a nagan tapno maaddaan ti bukod a pakabigbigan iti women’s basketball team ti pagilian.
Segun kenni Samahang Basketbol ng Pilipinas executive director Erika Dy, maysa a napateg a desisyon ti maipaayan da ti bukod a nagan tapno maaddaan ti kabukbukodan ken naidumduma a nagan para leng kadakuada.
Saan da laeng a tarigagay a suruten iti tugot ti programa para iti men’s basketball team agsipudta tarigagay ti Samahang Basketbol ng Pilipinas a makaaramid da ti bukod nga arapaap.
Maipalagip nga immuna a nabigbig iti bunggoy kas Perlas Pilipinas manipud 2005 agingga 2019 sakbay a naawagan ti Gilas Pilipinas Women.
