Awan ti sayangen nga oras ti Gilas Pilipinas ken dagus nga nagsanayda idiay Malaysia.
Adda itan ti Gilas team idiay Malaysia para iti panagsagana para iti Fifth Window ti FIBA Basketball World Cup Asian Qualifiers.
Kaaduan kadagiti Gilas players ket naggigiddan a nagturong idiay Malaysia manipud ditoy Pilipinas, a pakairamanan da Kai Sotto, Dwight Ramos, Kevin Quiambao, Scottie Thompson, Cjay Perez, Troy Rosario, Chris Newsome, ken Juan Gomez de Liano.
Idinto a nagdiretso metten da AJ Edu, Mike Phillips, ken Quentin Millora-Brown manipud Japan.
Iti met sumaruno a sumagmamano nga aldaw a makipaset ni Beannie Boatwright gapu ta adda pay laeng a panagkumitna iti Chinese ballclub-na.
Patien ni Gilas coach Tim Cone nga umdasen ti innem nga aldaw para iti panagensayo a sadiay namnamaenna a makabisado ni Boatwright ti sistema ti ay-ayam.
Umuna a sanguen ti Gilas ti Syria inton Nobiembre 27 idinto nga ti Iran inton Nobiembre 29.











