BR LA UNION – Nagturpos iti top 6 ni Red Spiegelman ti Pilipinas iti Miss International Queen 2026, kalpasan a napaay a makastrek iti Top 3 iti coronation night a naisayangkat idi Sabado, Setyembre 19, idiay Pattaya, Thailand.
Kadwa ni Spiegelman iti Top 6 da Catalina Vallejo ti Colombia, Ines Mess ti France, Lo Colby ti United States, Saki Iwai ti Japan, ken Theerachaya Pimkitidaj ti Thailand.
Manipud iti Top 6, dagiti tallo a simrek iti Top 3 wenno final round ket iti United States, Thailand ken Japan.
Naitandudo a Miss International Queen 2026 ni Lo Colby ti United States, a nangipaay ti back-to-back victory kalpasan a nangabak manen ti nasao a pagilian babaen kenni Midori Monet idi 2025.
Kabayatanna idi 2022, ti naudi a pannakagun-od ti Pilipinas iti korona ti Miss International Queen babaen kenni Fuschia Anne Ravena.
Iti Miss International Queen ti kadakkelan ken kalatakan a beauty pageant ditoy lubong para kadagiti transgender a babbai.
