Nasurok a 15,000 a tattao ti inarestar dagiti French police mainaig iti nasaknap a protesta idiay France kadagiti napalabas a lawas, sigun iti gobierno ti pagilian idi Kalman Martes.
Mainaig daytoy iti panawagan dagiti French iti reporma maipapan iti agtultuloy a panagngato ti presio dagiti tagilako ken pannakadismaya iti kasasaad ti sektor ti edukasion iti pagilian.
Maibasar kenni Justice Minister Gerald Darmanin, inaresto dagiti pulis ti 7,184 a tattao manipud kadagiti protesta maipapan iti implasion ken pasahod sipud idi Oktubre 17.
Sabali pay a napattapatta nga 8,000 a tattao ti naarestar met manipud kadagiti protesta maipapan iti reporma iti edukasion.
Manipud iti bilang, 2,661 a menor de edad ti naarestar, lima kadagitoy ti adda pay laeng iti kustodia ti pulis.











