Binilinan ni Sen. Erwin Tulfo dagiti overseas Filipino worker (OFW) sadiay France, Saudi Arabia, ken Israel nga ag-doble-ingat gapu kadagiti gubat ken pangta iti seguridad kadagiti nasao a pagilian.
Kas vice chairman ti Senate Committee on Foreign Relations, inallukoy ni Tulfo dagiti Pilipino sadiay France a liklikan dagiti nalawa a tignay-protesta, partikular idiay Paris, gapu kadagiti riot ken insidente ti panagtakaw.
Sadiay met Saudi Arabia, binilinan na dagiti OFW nga agtalinaed nga alerto ken bantayan dagiti damag sakbay a sumrek iti trabaho kasaruno dagiti naipadamag a panagatakar ti Iran ken kaalyado daitoy a grupo nga Houthi.
Karaman kadagiti insidente iti panagatakar ti King Khalid International Airport sadiay Riyadh, nu sadinno pito nga OFW iti naipadamag a nadangran.
Kabayatanna, binilinan ni Tulfo dagiti Pilipino sadiay Israel a liklikan pay laeng, nu mabalbalin, iti panagakar iti West Bank gapu kadagiti naipadamag a panag-atake dagiti sumagmamano a nakamaskara nga Israeli settler kontra kadagiti ganganaet.
Nagpanawagan met iti senador iti publiko nga ikararag iti kinatalged dagiti OFW iti sabali a pagalian ken dagiti pamilya da a nabati ditoy Pilipinas.
