Inikkat ti Senado ti ₱97.5 bilion a gatad dagiti proyekto a saan a nagtungpal kadagiti kasapulan a dokumento ken pagalagadan manipud iti naisingasing a 2027 budget ng Department of Public Works and Highways (DPWH).
Segun kenni Senate Finance Committee Chairman JV Ejercito, karaman kadagiti naikkat ti ₱87 bilion a gatad dagiti proyekto a nairaman iti bersion ti nasional a badyet nga inaprobaran ti Kamara.
Naikkat pay ti 295 a proyekto manipud iti National Expenditure Program nga aggatad iti ₱8.8 bilion ken 36 a building projects nga aggatad iti ₱1.7 bilion.
Dagiti dokumento a kasapulan tapno mairaman dagiti proyekto iti badyet ket iti feasibility study, geotagging, endorso ti Regional Development Council, certificate of implementability ken program of works.
Kabayatanna, nangipaay met ti Senado iti kanayonan a pondo para iti sumagmamano a sektor, agraman ti ₱48.62 bilion para iti agrikultura ken ₱52 bilion para iti salun-at.











