Saan nga allukoyen ni Senator Robinhood “Robin” Padilla ni Senator Ronald “Bato” Dela Rosa a sumuko, laksid iti kaadda ti maipagarop nga arrest warrant manipud iti International Criminal Court (ICC).
Segun kenni Padilla, karbengan ni Dela Rosa nga agtalinaed nga agduldulin laksid ti naipaulog nga arrest warrant nga inruar ti lokal a korte kontra iti senador.
Kinuna pay ni Padilla, saan met isuna a sumuko nu ICC iti mangiruar ti arrest warrant kontra kenkuana, agsipudta awan ti lokal a korte a mangibilbilin ti pannakaaresto na.
Kabayatanna, simmango ni Padilla iti Department of Justice idi Nobyembre 3 para iti preliminary investigation ti kaso ng obstruction of justice nga impaulog ti pulisya kontra kenkuana.
Inakusaran isuna a timmulong kenni Dela Rosa a makaruar ti Senado tapnu maliklikan ti maipagarop nga arrest warrant ti international tribunal.
Inlibakan ni Padilla it alegasyon ken kinuna a saan a maibilbilang a panagtakyas iti panagruar ni Dela Rosa agsipudta maipagarop nga awan ti mandamiento de aresto manipud iti lokal a korte.
Inamin met ni Padilla nga umapal isuna kenni Dela Rosa gapuanan ta ganganaet pay ti agbirbirok iti senador, nga inyarig na kadagiti bannuar nga isuda Macario Sakay ken Andres Bonifacio.
