Impeksa ni sigud a Presidente Rodrigo Roa Duterte ti pungtot ken pannakaupayna iti mapapati a pannakaidadanes kadagiti kaaliado ken suportadorna, segun iti anakna a ni Veronica “Kitty” Duterte.
Iti interview ni Kitty, kinuna ni Kitty a malidayan ken makapungtot ti amana gapu iti mapapati a pannakaaramat ti pondo ti publiko a mangtiliw kadagiti kaalyadona imbes nga ipangpangruna dagiti napapateg a kasapulan dagiti Pilipino.
Kinunana, karaman kadagiti rumbeng nga ipamaysa ti gobierno ti panagsagana para iti El Niño, flood control projects ken dadduma pay a kangrunaan a kasapulan ti pagilian.
Inallukoy pay ni Kitty dagiti Pilipino nga agtalinaedda a natibker iti panagtakderda kontra kadagiti makitada a kinaawan hustisia.
Kabayatanna, mainaig iti kontrobersiya, sumangsango ni Senador Ronald “Bato” dela Rosa iti mapapati nga arrest warrant ti International Criminal Court (ICC) gapu iti akemna iti drug war kabayatan ti administrasion ni Duterte. Ni Dela Rosa ti sigud nga hepe ti Philippine National Police (PNP) ken maysa kadagiti kangrunaan nga kaalyado ni Duterte.
