LA UNION – Natay ti maysa a motorcycle rider kalpasan a dimungpar iti manmanehuenna a motorsiklo iti kasinnabat a maysa pay a motorsiklo idiay Luna-Bacnotan Road ti Barangay Quirino, ili ti Bacnotan, La Union.
Nabigbig ti pimmusay a ni Christopher Cabotaje iti ili ti Bangar; kabayatan a maag0agasan met idiay ospital ti padana a rider a ni Reymart Oriente ti Balaoan, La Union.
Naammuan ti Bombo Radyo kenni C/Ins. Reynaldo Soria, hepe ti Bacnotan Police Station, maipagarup a nagsinnabat dagiti dua a motorsiklo idi a mapasamak ti aksidente.
Agtultuloy met iti imbestigasyon ti pulisya iti insidente.
