LA UNION – Pimmusay bayat nga maag-agasan iti hospital ti maysa a pastora idinto a nasugatan ti uppat nga sabsabali kalpasan a maaksidente iti naglugadananda a tricycle iti kawatiwatan ti provincial road idiay Barangay Sobredillo, ili ti Caba, La Union.
Nabigbig ti pimmusay nga biktima a ni Mina Mangaser, 50 anyos, addan asawa, resisdente iti nadakamat a lugar.
Segun iti Caba Police, daldalyasaten ti tricycle iti nasao a kalsada nga agturong iti daya nga direksyon idi maaddaan ti problema iti preno rason tapno saan nga makontrol ti driver a ni Benjie Hidalgo, 36, addan asawa, residente iti nasao a lugar agingga a nagpusipos ti lugan kasaruno iti pannakadangran dagiti amin nga pasahero daytoy.
Dagus met nga naiturong iti Caba District Hospital dagiti nasugatan ngem pimmysay bayat nga maag-agasan ni Masanger doktor.
Naamuan nga agturong kuma iti bible study dagiti biktima idi mapasamak ti aksidente.
