LA UNION – Dead-on-arrival idiay Caba Disrtict Hospital iti maysa a motorcycle rider kalpasan a naidungpar iti minaneho na a motorsiklo iti maysa nga isuzu truck, iti kawatiatan ti national highway a sakop ti Barangay Gana, Caba, La Union.
Iti biktima ket nabigbig a ni Edwin Laciapag, 23, baro, ken residente ti Barangay Sta Lucia, Aringay, La Union.
Bayat a ti truck driver ket nabigbig iti nagan a Salvador Vizcara, 35, addaan asawa, ken residente ti Barangay Sapang Central East, Bauang, La Union.
Base iti report, maipagarop a naidungpar ti northbound a motorsiklo iti rear left portion ti truck bayat nga agturturong iti kalsada nga agpa-abagatan.
Iti kapigsa ti impact ti pannakaidungpar ti motorsiklo iti truck, naipullasit ti biktima ken nagsagaba iti nakaru a head injury, a nakaigapwan ti dagus a pannakatay daytoy, segun iti attending physician.
Kabayatanna, saan met a nasaktan iti truck driver nga iti agdama ket adda custodiya ti Bauang Police Station.
Posible a maidatag ita nga aldaw iti kaso a Reckless Imprudence Resulting to Homicide maikontra iti respondent driver.
