LA UNION – Dead on the spot ti tricycle driver kalpasan a madungpar ti close van idiay kawatiwatan ti national highway ti Barangay Gana, Caba, La Union alas 12:20 itay aldaw.
Nabigbig ti biktima a ni Conrado Carino Jr., addan asawa, 43, residente ti Barangay San Agustin Sur, idiay ili ti Agoo idinto a ti suspek ket nabigbig a ni Glen Tamayo, addan asawa, 43, residente ti Lobong San Jacinto, Pangasinan.
Iti intial nga imbestigasyon ti Caba Police, agturturong iti amianan a direksyon ti tricycle idinto a manipud iti sabali nga direksyon ti close van.
Sakbay ti insidente, nadayanggos ti sabali a lugan ti triycle kabayatan iti kaadda na iti shoulder ti kalsada isu nga naipatingnga daytoy nga isu ti makagapu iti pannakadungpar daytoy.
Gapu iti insidente, arigna natuktukkol iti bagi ti biktima idinto a napitpit ti tricycle na.
Ti agdama, adda iti punerarya ti bangkay ti biktima idinto nga adda iti kustodiya ti Caba Police ti respondent driver a sumangsango iti kaso a reckless imprudence resulting to homecide and damage to property.
Agtultuloy iti ar-aramiden nga imbestigasyon ti Caba Police iti nasao nga insidente.
