LA UNION – Pakabuklan a 11 a tattao agraman iti maysa a barangay treasurer iti inarestar dagiti otoridad iti nagsina a lugar ditoy probinsiya ti La Union.
Paset pay laeng daytoy iti agtultuloy a kampanya ti Philippine National Police (PNP) kontra iligal a sugal.
Iti insayangkat nga operasyon ti pulisiya idiay Barangay Sto. Rosario East, Aringay, La Union ket nagresulta iti pannaka-arestar iti lima a nataengan a tattao, a maipagarop a naaktuan nga agsusugal iti ‘pusoy dos’ ken mahjong.
Kabayatanna, iti sabali pay nga operasyon ket naiganwat met idiay Barangay Bangar, Rosario, La Union a naka-arestaran iti innem nga indibidual, pakairamanan iti maysa a barangay treasurer, gaputi sugal a tong-its.
Kagiddan ti pannakaiyindurso dagitoy iti cuerpo ti pulisiya, kinumpiskar dagiti otoridad dagiti playing cards, mahjong set, ken bet money nga agserbi nga ebidensiya para iti panangidatag ti kaso a panaglabsing iti P.D. 1602 maikontra kadagiti nasao nga indibidual.
