LA UNION – Umabot iti aganay 120 a Palestinians iti natay iti napalabas nga 48 nga oras a panang-bomba ti militar ti Israel idiay Gaza Strip, segun kadagiti opisyal ti Palestina.
Segun kadagiti medics, kangrunaan a natirwan iti kauddian nga air strikes ti Israel ket dagiti ospital, partikular iti Kamal Adwan Hospital, a nakadunoran dagiti medical staff ken nakadadaelan iti adu nga equipment.
Kabilang pay kadagiti kauddian a casualty dagiti pito a miyembro ti maysa a pamilya, kalpasan nga arigna nawara ti balay da iti Zeitoun suburb idiay Gaza City, gaputi nagpatnag a panagraut.
Iti dadduma a natay ket manipud iti dadduma pay a lugar a nakaiturongan ti nga air strikes idiay central ken southern Gaza.
Adda met iti aganay 205 a tattao dagiti nasugatan iti Israeli strikes idiay northern, central ken southern Gaza, segun iti Palestinian health ministry.
Kabayatanna, depensa ti Israel military, iti isay-sayangkat da nga operasyon idiay northern Gaza ket tapno prebentaran dagiti Hamas fighters nga umun-una a makaaramid ti panagraut ken panag-regroup.
Pinaglibakan met ti Israel iti alegasyon dagiti local residents, a plano ti Israel a permanente a pukawen dagiti residente iti nasao a teritoryo tapno aramiden a buffer zone. (Reuters)
