LA UNION – Arestado iti 13 beach goers kalpasan a maaktuan dagitoy babaen kadagti kameng ti Philippine Drug Enforcement Agency (PDEA) – Regional Office 1 a mangisaysayangkat ti pot session idiay igid ti baybay iti Barangay Urbiztondo idiay ili ti San Juan, La Union idi rabii.
Sigun iti maysa kadagiti ahente ti PDEA, nakaawatda iti report manipud kadagiti mangimatmaton iti resorts sti nasao a lugar nga adda dagiti agtutubo nga agsususop ti marijuana kabayatan nga agragragsak dagitoy idiay igid ti baybay.
Idi a mapaneknekan daytoy iti PDEA, dagusda a tiniliw dagiti suspect.
Nakumpiskar manipud iti ikotda ti sumagmamano a supot a naglaon iti maatap a marijuana ken drug paraphernalia.
Kinumpirma met ni Urbiztondo Barangay Chairman Ericson Valdriz a bin-ig a ganganaet iti lugarda dagiti natiliw a beach goers.
Nagkedked met a mangted iti reaksyon dagiti agtutubo nga adda iti baetan ti edad a 19 agingga 24-anyos maipapan iti pannakatiliw dagitoy.
Impasidong metten ti PDEA iti drug test ken booking process dagiti suspek kas panagsagana iti maidatag a kaso kontra kadagitoy. (Abs Flores)
