Inimbitaran ni Senate President Pro Tempore Panfilo Lacson dagiti 17 a miembro ti House of Representatives iti agtultuloy nga imbestigasion maipanggep iti anomalya dagiti flood control projects.
Segun kenni Lacson, naited dan dagiti imbitasion babaen kenni Speaker Faustino “Bojie” Dy III.
Dagiti 17 a manmanday-linteg ket dagiti dinakamat ti agasawa a kontraktor nga isuda Sarah ken Curlee Discaya.
Karaman kadagiti naimbitaran ket isuda sigud nga speaker ken Leyte Rep. Martin Romualdez, sigud nga Ako Bicol party-list congressman Zaldy Co, ken Benguet Rep. Eric Yap.
Isuda dagiti personalidad a maipagaop a nakaawat dagiti kickbacks manipud kadagiti flood control projects nga imbatad ni Marine ken security consultant Orly Guteza.
Daytoy iti umuna nga addang nga aramiden ni Lacson kalpasan a mapili kas mangidaulo ti Blue Ribbon Committee.
