Mangideploy ti Philippine Coast Guard (PCG) ti agingga 17K a personnel ti intero a pagilian para ti Oplan Biyaheng Ayos: Semana Santa 2026.
Daitoy ket tapno masigurado iti kinatalged ti publiko, pantalan, ken biahe ti baybay iti kangitingitan dagiti manamnama a panagdupudop dagiti biahero.
Binilin ni PCG Commandant, Admiral Ronnie Gil Gavan dagiti amin a Coast Guard Districts, Stations, ken Sub-Stations nga ipangato ti alerto, ipasiguro dagiti patrol operations, ken inspeksyon kadagiti sangladan kasta met dagiti agbiahe a babarko.
Nagbalinen nga strikto ti pre-departure inspection tapno maliklikan ti posible nga overloading, panangipatungpal kadagiti regulasoyn ti maritime safety, ken deployment dagiti K9 units kontra kadagiti aggandat nga agipuslit ti kontrabado, babaen ti tulong dagiti dadduma pay a law enforcement agencies.
Impasigurado ti opisyal a 24/7 ti panagbantay kadagiti passenger vessels ken nautical highways wenno dagiti barko, nangruna kadagiti kangrunaan nga inter-island routes sadiay makin-Laud ken Daya a kosta ti Pilipinas.
Mainayon pay dagiti search and rescue units, medical teams, ken deployable response groups a standby ti amin a gundaway para kadagiti maritime emergencies.
Kadwa ti PCG iti panangipatungpal ket ti Armed Forces of the Philippines, Philippine National Police, Philippine Ports Authority, Maritime Industry Authority, ken lokal a gobierno a masakopan dagiti sangladan.
