BR LA UNION – Kinumpirma ti Maritime Industry Authority (MARINA) a nakalasat iti kapitan ti M/V June Aster a nauram bayat ti panaglayag na iti kabaybayan idiay Coron, Palawan.
Iti interview ti Bombo Radyo Philippines kenni MARINA Regional Office IV Director Atty. Maximo Bañares Jr., imbaga na a mismo a kumpanya ti barko iti nangkumpirma a sibibiag ti kapitan ngem saan pay a nagpakita kadagiti otoridad.
Agtultuloy a sapsapolen ti ahensya iti kapitan tapno maala ti statement na iti imbestigasyon, ken posible a mapatawan ti administrative liability nu mapaneknekan a nalabsing na iti maritime safety regulations.
Napasamak ti insidente kabayatan ti panagbiyahe ti barko idiay Coron, a dagus met a rinespondian ti Philippine Coast Guard para iti rescue ken firefighting operations.
Iti agdama, agtultuloy iti imbestigasyon ti MARINA tapno maamwan ti pudno a nagtaudan ti uram ken maamiris ti seaworthiness dagiti barko ti nasao a kumpanya.
