Dimmanonen ti 76 dagiti natay bayat a 13 pay dagiti mapukpukaw, ken 43 dagiti nakalasat iti pannakauram ti pampasahero a barko nga MV June Aster iti kabaybayan ti Coron, Palawan idi Setyembre 9, 2026.
Segun iti official manifesto, 134 a tattao ti lubbon iti barko — 117 a pasahero ken 17 crew members.
Kinuna iti Philippine Coast Guard (PCG) a narekobre idi Sabado ti rabii dagiti rescue teams ti 41 a kanayunan a bangkay a naiturong iti sangladan ti Coron.
Ti MV June Aster, a kukua ti Atienza Interisland Shipping Lines, ket nagtaud idiay Baseco, Maynila ken agturong idiay Coron idi napasamak ti nakaam-ames nga insidente.
Agtultuloy latta iti search and rescue operations kadagiti mapukpukaw bayat a maimimbestigaran paylaeng iti makagapo ti uram ken dadduma pay a detalye ti napasamak.
