Tiniliw dagiti kameng ti Naguilian Police, PDEA Region1 ken dadduma a unit ti kapulisan ti maysa 18 anyos a suspek iti naisayangkat a buy bust operation idiay Barangay Natividad, Naguilian, La Union agarop alas 5:30 idi malem kalman.
Nabigbig iti suspek a ni Adrian Lictao Saltiban, 18, baro ken residenten ti Barangay Gusing Norte.
Maibasar iti police report, indaulwan ni PLTCOL MICHAEL S DATUIN ti Naguilian Munucipal Police Station ken dadduma a unit ti kapulisan ti anti-illegal drugs buybust operation a nagresulta iti pannakaaresyar iti suspek kalpasan nga akto a nagatang kenkuana ti (2) a heat sealed plastic sachet ti white crystalline substance a mapagatapan a shabu nga agdagsen iti 1 gramo ken mapatta-patta nga agbalor iti P6,800.00 pesos ti maysa a police poseur buyer.
Karaman pay kadagiti nakumpiskar kenkuna ket (1) pc P500 peso bill a naaramat a Buybust money; (7) pcs xerox copies of P1000 bill; one android Vivo cellularphone; One motorcycle ken P550.00 pesos iti nadumaduma a denominasyon.
Ti suspects ken dagiti nakumpiskar kenkuana ket naiturong iti Naguilian MPS para iti naan-anay a documentation ken proper disposition.
Iti met pannakiuman ti Bombo Radyo La Union kenni Pol. Maj. Jayson Manuel, officer in charge ti Naguilian Police Station a ti suspek ket kabilang iti street level indibidual ti Philippine Drug Enforcement Agency.
Innayon pay ti nasao nga opisyal nga agtultuloy iti monitoringda iti masakupan dagitoy ken monitoring kadagiti agar-aramat pay ti droga tapno mapagtalinaed a nadalos ti area of responsibility dagitoy.
Iti sabali a bangir, inaklon met ti suspek a kukuana ti droga a nagatang kenkuana.
Manamnama a maiyuli metten ti kaso a maidatag kontra iti suspek.
