Sinagutan ti San Fernando City Police Station babaen iti panangidaulo ni Lieutenant Col Fernando Acain Jr. iti arapaap a bisikleta iti maysa nga estudyante ti Bangbangolan National High School.
Iti recipient ket ni Janet Carreon, agtawen ti 18, residente ti Brgy. Baraoas ditoy siyudad ti San Fernando, La Union.
Ni Janet ket sumrek kas Grade 12 iti sumaruno nga school year.
Agtrab-trabaho daytoy iti maysa a karinderya tapno suportaran ti panagadalna.
Ulilan daytoy ti ama idinto a ti ina na ket addaan ti mental condition.
Ngem tinaraken ni Janeatte Dysico ni Janet idi agtawen ti lima.
Malaksid iti bisikleta, naipaayan pay ti food packs iti recipient.
Daytoy ket paset pay laeng iti maika-28 a selebrasyon ti Police Community Relations Month nga addaan iti tema, “Serbisyong Nagkaka-isa para sa Ligtas at Maunlad na Pamayanan”.
