BR LA UNION – Naisalbar ti Baywatch team iti dua a beachgoer manipud iti gestay pannakalmes bayat ti panagdigos da iti kabaybayan idiay Barangay Urbiztondo, San Juan, La Union.
Napasamak ti insidente agarop alas 4:40 ti malem, Marso 21, 2026.
Maibasar iti impormasyon manipud Coast Guard Station, dagiti dua a beachgoers ket ginuyod ti napigsa a current ti dalluyon.
Dagus a nagresponde ti Baywatch team tapno isalbar dagiti dua.
Ti baywatch team ket buklen ti maysa a kameng ti Coast Guard Sub-Station (CGSS) San Juan, tallo a Coast Guard District North Western Luzon (CGDNWLZN) personnel ken sumagmamano a local surfers.
Ballaygi a naiturong dagiti dua a beachgoers iti igid ti baybay a natalged ken adda iti nasayaat a kondisyon.
Impaganetget ti Philippine Coastguard ti kinapateg ti panagbalin a naridam ken napaspas a panagresponde tapno masalwadan dagiti agturturong iti kabaybayan.
