Natiliw ti dua a mangngalap ti iti kabaybayan a sakopen ti Barangay Urbistondo, San Juan, La Union itay kallabes.
Nabigbig dagiti dua a mangngalap managan Roger Castro y Dela Cruz, agtawen ti 41 anyos ken ni Chito Sabado y Tamacho, agtawen ti 59 anyos ken agpada dagitoy nga residente iti Brgy. Santiago Norte, Caba, La Union.
Dagiti dua a natiliw ket awan ti naipakita a liscensya ken awan ti maipakita a permit gaputi dayta ket sumangsango da ti panaglabsing ti Violation of Municipal Ordinance No. 07-99 Section 1 San Juan, La Union (Using of Municipal Waters).
Maibasar ti impormasyon a nakalap iti Bombo Radyo La Union manipud iti La Union Maritime Police Station ti dua a mangngalap nga natiliw ket awanan ti licensya ken awanan ti permit ket dagos da garud a narekober ti maysa a unit nga banca weno bilog nga addaan ti nagan a VIL-MAR” nga agmaris daytoy ti Yellow-Blue powered by 16HP Briggs Straton nga aggatad ti P45,000.00 ken ti nasurok kumurang 1 kilo nga assorted nga ikan nga agbalor ti P180.00 ken ti maysa a 600 meters fish net nga agbalor ti P40,000.00.
Imbatad pay iti La Union Maritime Police Station, kinunanada nga kalpasan nga nakumpiskar dagiti proof of evidence naalaan ti panakalitrato dagiti proof of evidence, imbentaryo ken ti panangisurat da ti marking dagiti nakumpiskar nga ebidensya iti naisayangkat nga seaborne patrol operation kadagiti kabaybayan ditoy probinsiya ti La Union.
