LA UNION – Maisagsaganan ti maidatag a ti kaso kontra kadagiti dua a drug personalities a natiliw babaen ti buy-bust operation nga insayangkat ti Philippine Drug Enforcement Agency (PDEA) ken Philippine National Police (PNP) iti nagsina a lugar idiay ili ti Agoo, La Union.
Naammuan ti Bombo Radyo manipud ti Agoo Police Station, natiliw idiay Barangay San Joaquin Norte ti suspek a ni Ramon Jaravata.
Nakompiksa manipud kenni Jaravata ti dua a sachet a naglaon iti maatap a shabu, P500 a buy-bust money, ken ti inaramatna a motorsiklo.
Arestado met ni Rian Buado idiay Barangay San Nicolas West gapu iti maipagarup a panaglakona ti dua a sachet a naglaon iti maatap a shabu.
Agtaltalinaed a nakabalud dagiti suspek kabayatan a maur-uray ti resolusyon nga iruar iti pisklaya maipapan ti pagbanagan iti kado dagitoy. (Absalom Flores)
