LA UNION – Arestado iti dua a drug suspects iti nagsina nga operasyon ti PNP ken PDEA ditoy probinsiya ti La Union.
Iti drug buy bust operation dagiti otoridad idiay Barangay Nagtagaan, ili ti Rosario naarestar iti maysa a tricycle driver a managan Melchor Cacayuran, 36, residente ti nasao met laeng a lugar gaputi panagikot iti iligal a droga.
Nakumpiskaran daytoy iti maysa a sachet iti maatap a dried marijuana fruiting tops, ken P200 buy bust money.
Kabayatanna, maysa pay a drug suspect iti inarestar dagiti otoridad idiay Barangay Dulao, ili ti Aringay.
Nabigbig daytoy a ni Jessie Cabalbag, 25, residente ti nadakamat a lugar.
Nakumpiskaran iti maysa a heat sealed transparent plastoc sachet iti maatap a shabu ken P500 a drug money.
Dagiti suspek ket agtaltalinaed iti kustodiya ti PNP ken nakatuding a maidatagan dagitoy ti kaso a panaglabsing iti R.A. 9165
