LA UNION – Dua a grupo dagiti sugador iti inaresto dagiti otoridad ken naiyindurso idiay Naguilian Police Station, kas paset iti nairutan a kampanya ti PNP nga anti illegal gambling operation.
Iti dua a nagsina nga operasyon, adda iti pito a tattao iti natiliw dagiti otoridad, ngem iti maymaysa a lugar idiay Barangay Ortiz Naguilian, La Union.
Maipagarop a naaktuan dagiti nagresponde nga otoridad iti panagsusugal dagiti suspek iti mahjong.
Iti umuna a grupo ket buklen da: Michael Hereria; Joel Sande; Dexter Balleres; ken Joel Alunan.
Iti met maikadwa a grupo ket naka-arestaran da Valentino Madayag; Santiago Garcia; ken Norma Sande, agpapada a residente ti Camp 1, Rosario, La Union ken Barangay Natividad, Naguilian, La Union.
Kaadwan a naaresto ket agtrab-trabaho iti peryaan.
Malaksid iti dua a mahjong set, nakakumpiskar pay dagiti otoridad iti aganay P14,000.00 a taya iti dua a grupo dagiti sugador.
Dagiti suspek ket naipasidong iti custodiya ti Naguilian Police Station ken manamnama a maidatagan ti umiso a kaso.
