LA UNION – Dua a mannalon a maipagarop a naganawa iti riribok kabayatan ti panag-iinom dagitoy Sitio Apaleng, Barangay Rissing, Bangar, La Union iti nagbalin a biktima ti pannagbat ken na-ospital.
Dagiti biktima ket nabigbig nga isuda Francis Madrid, 25, baro, residente ti Barangay Quintarong ti nasao nga ili ken Jessy Mones , 28, baro, agpada a mannalon, ken residente ti Barangay Rissing.
Iti met suspek ket managan Joey Agas, addaan ti umno nga edad, ken residente ti nasao met laeng nga ili.
Maibasar iti nakalap nga impormasyon ti Bombo Radyo La Union, dagiti biktima, suspek, ken dadduma pay a kakadwa da, ket nag-iinom iti nadakamat a lugar, idi nakarurod ti suspek gaputi panang-balakad da daytoy nga agawiden agsipudta nabartek metten.
Nupay kasta, dagiti dua a naganawa iti rimsua a riribok ket isuda ti nadunor iti pannagbat ti suspek.
Ni Madrid ket naglak-am ti sugat iti kannigid a luppo ken kannawan a saka bayat a ni Mones ket natukkol ti ramay iti kannawan nga ima daytoy.
Dagiti dua ket naiyakar iti ITRMC ditoy syudad para iti naan-anay a pannakataming.
