LA UNION – Nadun-dunor iti dua nga indibidual gaputi pannaka-aksidente iti nagluganan da a motorsiklo kalpasan a simru iti angkit ti driver.
Nabigbig dagiti biktima nga isuda Julio Estrada, 62, nagmaneho ti motorsiklo ken Estacio Rivera, 58, agpada a residente ti Purok 6, Barangay Sevilla, San Fernando City, La Union.
Maibasar iti police report, ipa-igid koma ni Estrada ti motorsiklo iti igid ti national highway, partikular iti sakop ti Barangay Pagdalagan ditoy syudad, gaputa simru ti angkit na ken saan a maka-anges, ngem nag-diretso metten dagitoy ket nadungpar da iti nakaparada a traysikel, a kukua da Mariquiel ken Paolo Margapo, ti Poblacion, San Isidro, Nueva Ecija.
Kas resulta, nagsagaba dagiti dua iti pannakadun-dunor iti bagi ken dagus a naiturong dagitoy iti Ilocos Training and Regional Medical Center (ITRMC) ditoy syudad.
Nakumpirma dagiti nagresponde nga otoridad a simru ti angkit wenno asthma ti driver idi mapasamak ti aksidente.
