LA UNION – Arestado iti maysa a newly identified drug personality iti insayangkat a buy bust operation dagiti kameng ti San Fernando City Police itay laeng parbangon iti igid ti kalsada, sakop ti Barangay Madayegdeg ditoy syudad.
Iti suspek ket nabigbig iti nagan a Barry Carino, 38-anyos, baro, residente ti Barangay Upper banks Poro.
Nakumpiskar dagiti otoridad manipud iti ikot ti suspek iti dua (2) a plastic sachet iti mapapati a shabu, maysa a pidaso ti P500 buy bust money, maysa a pidaso ti P500 boodle money, ken maysa a homemade cal. 22 pistol, a kargado ti uppat a bala.
Kabayatanna, arestado met iti maysa pay a 18-anyos a baro iti anti-drug operation ti pulisiya idiay Barangay Baroro, Bacnotan, La Union alas 5:30 idi malem kalman.
Iti suspek ket managan Christian John Garcia, residente ti Barangay Ili Norte, San Juan, La Union.
Nakumpiskar kenkuana iti 2 a plastic sachet a maipagarop a nagkarga iti dried marijuana leaves ken fruiting tops, maysa pay a rolyo ti plastic a naglaun met laeng iti mapapati a marijuana leaves ken fruiting tops, maysa a pidaso ti P500 a nagserbi a buy bust money, ken maysa a cellphone.
Dagiti dua a drug personalities agraman dagiti nakumpiskar kadakuada a droga ken dadduma pay nga items ket adda itan iti custodiya ti San Fernando City PNP ken Bacnotan PNP para iti panangidatag ti maiyannatop a kaso.
