LA UNION – Dua pay nga ili iti Rehiyon Uno iti indeklara ti PDEA Region One, kas drug cleared municipalities, ita nga aldaw, Abril 11, 2018.
Maibasar iti nakalap nga impormasyon ti Bombo Radyo La Union kenni PDEA Region 1 PIO Chief Bismarck Bengwayan, kabilang dagiti nainayon nga ili a nadalusan manipud iligal a droga ket iti ili a Balaoan ditoy probinsiya ti La Union ken ili ti San Emilio idiay Ilocos Sur.
Iti ceremonial declaration ket dar-ayan dagiti mangibag-bagi kadagiti maseknan nga ahensiya ti gobyerno nga adda napateg a papel na iti illegal drug campaign ti gobyerno a kas iti PNP, PDEA, DoH, LGU ken BADAC officials.
Kabayatanna, iti ili a Balaoan iti maikapat a municipalidad ditoy La Union a naideklara a drug free, immunan iti Bagulin, Burgos, ken iti ili a Rosario.
