BR LA UNION – Dua a piloto ti natay kalpasan a naidungpar ti eroplano ti Air Canada Express iti maysa a fire truck iti runway ti LaGuardia Airport idiay New York idi rabii ti Marso 22, 2026.
Napasamak ti insidente bayat nga agdisso ti Flight AC8646 manipud Montreal, nga ipatpataray ti Jazz Aviation, agarup alas 11:40 ti rabii.
Ti eroplano ket nagluganan iti 72 a pasahero ken uppat a crew, nga amin ket nakalasat, nupay ti dadduma ket nagsagaba ti minor injuries.
Dagus a naiserra ti eropuerto ken nangipaulog ti Federal Aviation Administration (FAA) iti ground stop, a nagresulta iti pannakakanselar wenno pannakai-divert ti nasurok a 500 a flights agturong idiay JFK ken Newark airports.
Nakaru ti pannakadadael iti cockpit ti eroplano, bayat nga imbestigaran ti FAA ken National Transportation Safety Board (NTSB) no apay nga adda ti fire truck iti runway idi nagdisso ti eroplano.
Ti trahediya ket nanggubway ti dakkel a pannakasinga kadagiti rinibu a pasahero ken maibilang a maysa kadagiti kadadaksan nga insidente idiay LaGuardia kadagiti napalabas a tawen.
Agtultuloy iti imbestigasyon tapno duktalen nu operational error, miscommunication, wenno anya pay ti dadduma a makagapo ti insidente.
