BR LA UNION – Posible a natay amin a naglugan iti maysa a medical transport aircraft kalpasan ti kellaat a panagpukaw daytoy.
Ti nasao nga eroplano ket manipud Bermuda agturong idiay Boston.
Segun iti United States Coast Guard a lineppas dan iti search and rescue iti kabaybayan a paset ti Nantucket, a maysa nga isla idiay Massachusetts.
Napasamak ti insidente idi Sabado kalpasan a napukaw ti contact ti Federal Aviation Administration iti Gulfstream G-100 plane.
Nakakita dagiti otoridad ti debris a mapapati a manipud iti nasao nga eroplano.
Dagiti nakalugan iti eroplano ket pakaibilangan ti uppat a Canadian nationals ken dua a Bermudian nationals.
Agtultuloy ti panangduktal dagiti otoridad ti makagapo ti panagsuwel ti eroplano.
