Agtultuloy nga umaw-awat iti pammadayaw ti dua a babae nga pulis gapu iti panangpaanakda iti maysa misis iti Health Center idiay ili ti Suipen, La Union.
Nabigbig dagitoy nga isuda PCpl. Alpha Joy Amoyen-Buyag ken PSSgt. Lorna Tumbaga, agpada a naka desitino iti Sudipen Police Station.
Segu kadakuada, nagturong iti kuwerpo ti pulisya ti maysa nga misis a residente ti Barangay Turod iti nasao nga ili. Kabayatan iti panangurayda iti duty midwife idi kellaat a bimtak ti bag of water daytoy kasaruno iti panangipasngay na iti lalaki a maladaga.
Numan agpada a nagturpos iti kurso a Nursing iti Union Christian College iti ciudad ti San Fernando ket daytoy pay laeng ti umuna a kapadasanda a nagpaanak.
Kabayatan na, dagus met laeng a nakaawid ti misis kadua ti maladaga na kalpasan iti 24 oras nga panagtalinaed da iti Health Center.
