BR LA UNION – Naidatagen ti kaso a homicide kontra iti 28-anyos a suspek a nangbagsol ken nakapatay iti stepfather na idiay Barangay Sto. Domingo Sur, Luna, La Union idi rabii ti Domingo, Marso 30, 2025.
Iti pannakiuman ti Bombo Radyo La Union kenni Police Major Lawrence Ganuelas, Public Information Officer ti La Union Police Provincial Office, kas maibasar iti imbestigasyon dagiti otoridad manipud Luna Police Station, iti biktima ket maipagarop a masansan nga ag-probokar ti riri nangruna nu makainom ti nasanger.
Maipalagip a natay ti 32-anyos a biktima kalpasan a maipagarop a binagsol ti 28-anyos a suspek a siumanna, bayat ti panaginom ti nasanger ken timpuar ti nabara a panag-sinnubang dagitoy.
Kabayatanna, pormal metten a nakaswan ti parricide iti suspek a nakapatay ti bukod na nga anak idiay ili ti Santo Tomas, La Union
Kinumpirma ni Ganuelas, nga awan ti napasamak nga amicable settlement wenno panangareglo ti kaso.
Kinuna pay ni opisyal, nga awan iti impluwensya ti nasanger a mainom ti suspek ken iti biktima idi napasamak ti pammagsol.
Maipalagip a napasamak ti insidente iti mismo a pagtaengan dagitoy idiay Barangay Ambitacay, Sto. Tomas idi rabii ti Martes idi Marso 18, 2025.
Iti suspek ket maysa a 68-anyos a mannalon bayat a ti biktima nga anak na ket 19-anyos.
